( 5 Votes ) 

የፌደራል የሥነምግባር እና የፀረ-ሙስና ኮሚሽን አመሠራረት


ከ1983 ዓ.ም ወዲህ የኢትዮጵያ መንግስት በመላ አገሪቱ ሁለንተናዊ ልማት እና ዴሞክራሲያዊ ሥርዓት ሊያመጣ የሚችል ሪፎርም ለማካሄድ እንቅስቃሴዎችን እንዳካሄደ ይታወቃል፡፡ በማህበራዊ፣ ኢኮኖሚያዊና ፖለቲካዊ ዘርፎች የተወጠነው አጠቃላይ ሪፎርም የሲቪል ሰርቪስ ማሻሻያንም ያካተተ ነበር፡፡ እ.ኤ.አ በ1996 በብሔራዊ ደረጃ የተጀመረው የሲቪል ሰርቪስ ማሻሻያ ፕሮግራም የሥነምግባር ንዑስ ፕሮግራምን በውስጡ የያዘ ነበር፡፡
በመንግስት መስሪያ ቤቶች ውስጥ የአገልግሎት አሰጣጥን ለማሻሻልና ሙስናና ብልሹ አሰራርን ለማስወገድ የተነደፈው የስነምግባር ማሻሻያ ንኡስ ፕሮግራም ለመጀመር የአገሪቱ የሲቪል ሰርቪስ ያለበትን ደረጃና ተብትበው የያዙትን ችግሮች ጥልቀትና በዝርዝር የሚያሳይ አጠቃላይ ዳሰሳ መደረግ ነበረበት፡፡ በዚህም መሰረት ከተለያዩ ባለድርሻ አካላት የተውጣጣ አንድ ግብረሐይል ይህንኑ ዳሰሳ በማካሄድ በሲቪል ሰርቪሱ ውስጥ ያሉትን ችግሮች ለመለየት ችሏል፡፡
ኮሚሽኑን የማቋቋም ጉዳይ በሲቪል ሰርቪስ ማሻሻያ ፕሮግራም ውስጥ የስነምግባር ንዑስ ፕሮግራም አንድ ፕሮጀክት ነበር፡፡ የፕሮጀክቱም ስም የስነምግባር መከታተያና ማዕከላዊ አካል ማቋቋሚያ ፕሮጀክት የሚል ነበር፡፡ ከላይ የተጠቀሰው ግብረ ሐይል በሲቪል ሰርቪሱ ውስጥ አሉ የሚላቸውን ችግሮች ከጠቆመ በኋላ የስነምግባር ችግርን በሚመለከት እንደ መፍትሔ ካስቀመጣቸው ሐሳቦች መካከል አንዱ የስነምግባር መከታተያ አካል ማቋቋም ነው፡፡ በዚህም መሰረት ከተለያዩ ሥራዎች በኋላ የፌደራል የሥነምግባርና የፀረ-ሙስና ኮሚሽን ግንቦት 16 ቀን 1993 ዓ.ም በአዋጅ ተቋቋመ፡፡
ኮሚሽኑን ለማቋቋም ሁሉንም ባለድርሻ አካላት ባካተተ መልኩ የምክክርና የውይይት አውደ-ጥናቶችን የማካሔድ፣ በዚህ ረገድ አሉ የሚባሉ አለማቀፍ ተሞክሮዎችን የመቅሰም፣ የኮሚሽኑን አደረጃጀት የመወሰን እንዲሁም ሙስና በአገሪቱ ያለበትን ደረጃ የሚያሳይ የሙስና ቅኝት (survey) የማካሄድ ስራዎች ተከናውነዋል፡፡ ኮሚሽኑን ለማቋቋም በተካሔዱት ዝግጅቶች መንግስታዊ ካልሆኑ ድርጅቶች፣ ከሚዲያ፣ ከሐይማኖት ድርጅቶች፣ ከሙያ ማህበራት እንዲሁም ከፌደራልና ከክልል መንግስታት የተውጣጡ ተወካዮች ተሳትፎ አድርገዋል፡፡

945108
ዛሬዛሬ88
በዚህ ሳምንትበዚህ ሳምንት210
በዚህ ወርበዚህ ወር1650
በጠቅላላ ቀናትበጠቅላላ ቀናት945108
Powered by AFRICOM Technologies PLC