( 5 Votes ) 

የሥነ ምግባር ትምህርት እና ኮሚዩኒኬሽን ጉዳዮች ዳይሬክቶሬት

አድራሻ

 

ዳይሬክተር: አቶ ወንዳጥር ደነቀ
ስልክ: +251 11 552 7785
ፋክስ: +011 553 6987/0115503190
ኢሜይል: ይህ የኢሜይል አድራሻ ከ spambots እየተጠበቀ ነው፡፡ ለመማየት JavaScript enabled መሆን አለበት  

 

የሥነምግባር ትምህርትና ኮሙኒኬሽን ጉዳዮች ዳይሬክቶሬት በጥናት ላይ የተመሰረተ የሥነምግባር እና የፀረ-ሙስና ትምህርቶችን በማስፋፋትና የኮሙኒኬሽን ሥራዎችን በማከናወን አመለካከቱ የተቀየረና ለኮሚሽኑ አጋር የሚሆን ህብረተሰብ የመፍጠር ተልዕኮ ያለው የስራ ሂደት ነው፡፡ዳይሬክቶሬቱ ሙስናን የማይሸከም ህብረተሰብ ለመፍጠር የሚደረገውን የኮሚሽኑን ተልዕኮ ለማሳካት የተለያዩ የመገናኛ ብዙኃንን፣ በኮሚሽኑ የሚዘጋጁ ልዩ ልዩ ህትመቶችንና ሌሎች አመቺ ዘዴዎችን በመጠቀም በህብረተሰቡ ዘንድ የሥነምግባርና የፀረ-ሙስና ትምህርቶችን የማስፋፋትና የማስረጽ እንዲሁም የኮሚሽኑን ራዕይ፣ ተልዕኮና እንቅስቃሴ የማሳወቅ ስራዎችን በዋነኛነት ያከናዉናል፡፡

የስራ ሂደቱ ይህን ተልዕኮውን ለመወጣት በስሩ ሦስት ቡድኖችን ማለትም የሚዲያ ትምህርት፣ የህትመት ማቴሪያል ዝግጅት እና የኮሙኒኬሽን ጉዳዮች ቡድኖችን ይዞ በመንቀሳቀስ ላይ ይገኝል፡፡

የሚዲያ ትምህርት ቡድን በተመረጡ የመገናኛ ብዙሃን አማካይነት ልዩ ልዩ መልእክቶችን በማሰራጨት እንዲሁም በአንዳንድ በመንግስት እና በግል ድርጅቶች በሚዘጋጁ የህትመት ውጤቶች ላይ የፀረ-ሙስና መልዕክቶችንና ፅሁፎችን በማውጣት ሰፊውን የህብረተሰብ ክፍል በመድረስ ሙስናን ሊሸከም የማይችል ህብረተሰብ የመፍጠር ሥራ ይሰራል፡፡

የኮሙኒኬሽን ጉዳዮች ቡድን ደግሞ የተለያዩ የኮሙኒኬሽን ዘዴዎችን በመጠቀም የኮሚሽኑን ራዕይ፣ ተልዕኮ እና ዓላማዎችን፣ የኮሚሽኑን የሥራ ውጤቶችንና እንቅስቃሴዎቸን ለህብረተሰቡ በማድረስ እንዲሁም ኮሚሽኑ ከመገናኛ ብዙሃን ጋር ያለውን ግንኙነት በመምራት እና ስለኮሚሽኑ መረጃ ለሚፈለጉ አካላት ወቅታዊ መረጃን በመስጠት በኮሚሸኑ እና በህብረተሰቡ መካከል ጠንካራ የግንኙነት ድልድይ በመገንባት በቀጣይነት ከኮሚሽኑ ጎን የሚሰለፍ ህብረተሰብ እንዲኖር ይሰራል፡፡የፊት ለፊት ትምህርትና የህትመት ማቴሪያል ዝግጅት ቡድን ለፊት ለፊት ትምህርት ማስተማሪያነት የሚሆን ሞጁል እና ሌሎች በፀረ-ሙስና ዙሪያ የህብረተሰቡን ግንዛቤ የሚያሳድጉ የህትመት ውጤቶችን በማዘጋጀት ለህብረተሰቡ እንዲደርሱ ያደርጋል፡፡  

ሙስናንና ብልሹ አሠራርን ለመዋጋት በሚደረገው ጥረት የሙስና ወንጀል ተጠርጣሪዎችን ሕግ ፊት ማቅረብና ተገቢውን ቅጣት እንዲያገኙ ማድረግ ብቻውን የሚፈለገውን ውጤት ሊያስገኝ እንደማይችል የሌሎች ሀገሮች ተሞክሮዎች ያመለክታሉ፡፡ በመሆኑም በሙስና ወንጀል ፈፃሚዎች ላይ ከሚደረገው የምርመራ እና የክስ ሂደት ጐን ለጐን ሙስና እና ብልሹ አሠራር በአንድ አገር ላይ ስለሚያደርሱት የከፋ ጉዳት እና የመታገያ መንገዶች ሕብረተሰቡን በስፋት ማስተማር አስፈላጊነቱ አያጠያይቅም፡፡ በመሆኑም ኮሚሽኑ በሥነምግባር ትምህርትና የኮሙኒኬሽን ጉዳዮች ዳይሬክቶሬት አማካይነት የሥነምግባር እና የፀረ-ሙስና ትምህርቶችን በማስፋፋትና የኮሙኒኬሽን ሥራዎችን በማከናወን አመለካከቱ የተቀየረ በፀረ-ሙስና ትግሉ በንቃት የሚሳተፍ ህብረተሰብ ለመፍጠር በመስራት ላይ ይገኛል፡፡

945105
ዛሬዛሬ85
በዚህ ሳምንትበዚህ ሳምንት207
በዚህ ወርበዚህ ወር1647
በጠቅላላ ቀናትበጠቅላላ ቀናት945105
Powered by AFRICOM Technologies PLC